Category: India

ഐപിഎല്ലിലെ എക്കാലത്തെയും മികച്ച രണ്ട് ടീമുകളായ ചെന്നൈയും മുംബൈയും ഇന്നലെ രാത്രി ഏറ്റുമുട്ടിയപ്പോൾ, ധോണിയുടെ കീഴിൽ ഇറങ്ങിയ ചെന്നൈ സൂപ്പർ കിംഗ്സ് 7 വിക്കറ്റിന്റെ വിജയം സ്വന്തമാക്കിയിരുന്നു. മുംബൈയുടെ ഹോംഗ്രൗണ്ടായ വാങ്കഡെ സ്റ്റേഡിയത്തിൽ നടന്ന മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ അവർക്ക് നിശ്ചിത 20 ഓവറിൽ 8 വിക്കറ്റ് നഷ്ടത്തിൽ 157 റൺസ് എടുക്കാനേ കഴിഞ്ഞുള്ളൂ. 18.1 ഓവറിൽ വെറും 3 വിക്കറ്റ് നഷ്ടത്തിൽ ചെന്നൈ വിജയലക്ഷ്യം മറികടന്നു. നാലോവറിൽ വെറും 20 റൺസ് മാത്രം വിട്ടുകൊടുത്ത് 3 വിക്കറ്റ് വീഴ്ത്തിയ ജഡേജയാണ് കളിയിലെ കേമൻ.

ആദ്യ ബാറ്റിങ്ങിൽ മുംബൈയ്ക്ക്, 13 പന്തിൽ 21 റൺസെടുത്ത നായകൻ രോഹിത് ശർമയും, 21 പന്തിൽ 32 റൺസ് നേടിയ ഇഷാൻ കിഷനും ചേർന്ന് ഭേദപ്പെട്ട തുടക്കം നൽകിയെങ്കിലും, പിന്നീട് വന്നവർക്ക് അത് തുടരാൻ കഴിഞ്ഞില്ല. തിലക് വർമ(22), ടിം ഡേവിഡ് (31), ഹൃതിക് ശോക്കീൻ(18*) എന്നിവരുടെ ഇന്നിങ്സുകളാണ് അവർക്ക് പൊരുതാവുന്ന ടോട്ടൽ സമ്മാനിച്ചത്. 3 വിക്കറ്റ് വീഴ്ത്തിയ ജഡേജയ്ക്ക്, രണ്ട് വിക്കറ്റ് വീതമെടുത്ത മിച്ചൽ സാന്റ്‌നറും തുഷാർ ദേശ്പാണ്ഡെയും മികച്ച പിന്തുണ നൽകി.

മറുപടി ബാറ്റിങ്ങിൽ ചെന്നൈയ്ക്ക് ഓപ്പണർ ഡേവോൺ കോൺവേയെ പൂജ്യത്തിന് നഷ്ടമായി. എങ്കിലും മൂന്നാമനായി ഇറങ്ങിയ സീനിയർ ഇന്ത്യൻ താരമായ അജിൻക്യ രഹാനെ സ്‌ഫോടനാത്മക ബാറ്റിംഗാണ് കാഴ്ച്ചവെച്ചത്. 19 പന്തിൽ നിന്നും അർദ്ധസെഞ്ചുറി നേടിയ അദ്ദേഹം, ഈ സീസണിലെ വേഗമേറിയ അർദ്ധസെഞ്ചുറി നേട്ടം സ്വന്തം പേരിലാക്കി. 27 പന്തിൽ 61 റൺസോടെ രഹാനെ മടങ്ങുമ്പോൾ ചെന്നൈ വിജയം ഉറപ്പിച്ചിരുന്നു. ശിവം ഡുബെ 28 റൺസ് എടുത്ത് പുറത്തായി. ഓപ്പണർ ഋതുരാജ് 40 റൺസോടെയും ഇംപാക്ട് പ്ലെയറായി ഇറങ്ങിയ അമ്പാട്ടി റായിഡു 20 റൺസോടെയും പുറത്താകാതെ നിന്നു.

വാങ്കഡെ സ്റ്റേഡിയവുമായി ചെന്നൈ നായകൻ ധോണിയ്ക്ക് അഭേദ്യമായ ബന്ധമാണ് ഉള്ളത്. 2011ലെ ഏകദിന ലോകകപ്പ് ഫൈനലിൽ ധോണിയുടെ ബാറ്റിൽ നിന്നും പറന്ന സിക്‌സിലൂടെയാണ് ഇന്ത്യ വിശ്വവിജയികളായത്. അന്ന് ഗാലറിയിൽ പന്ത് വന്നുപതിച്ച ഭാഗം പ്രത്യേകം അടയാളപ്പെടുത്തി അതിന് ധോണിയുടെ പേരുനൽകിയത് കഴിഞ്ഞ ദിവസമാണ്. ഇന്നലെ ചെന്നൈ വിജയത്തിലേക്ക് കുതിക്കുന്നതിനിടെ “വീ വാണ്ട് ധോണി” വിളികൾ ഉയർന്നത് സമൂഹമാധ്യമങ്ങളിൽ തരംഗമായി മാറിയിരിക്കുകയാണ്. ധോണി പാഡ് കെട്ടി തയ്യാറായി ഇരുന്നെങ്കിലും കൂടുതൽ വിക്കറ്റ് നഷ്ടമാകാതെ റായിഡുവും ഋതുരാജും ചേർന്ന് വിജയത്തിലേത്തിച്ചു. തങ്ങളുടെ ടീമായ മുംബൈ തോൽവിയുടെ വക്കിൽ നിൽക്കുമ്പോഴും എല്ലാവർക്കും വേണ്ടിയിരുന്നത് ധോണിയുടെ ഒരു മിന്നലാട്ടമായിരുന്നു.

We want Dhoni:

ഇന്ത്യ-ഓസ്ട്രേലിയ ഏകദിന പരമ്പരയിലെ മൂന്നാം മത്സരം പുരോഗമിക്കുകയാണ്. ചെന്നൈയിലെ ചെപ്പോക്ക് സ്റ്റേഡിയത്തിലാണ് മത്സരം നടക്കുന്നത്. ടെസ്റ്റ് സീരീസ് ഇന്ത്യ 2-1ന് നേടിയിരുന്നു. ലോകകപ്പിന് മുന്നൊരുക്കം എന്നുള്ള രീതിയിലാണ് ഈ ഏകദിന പരമ്പരയെ എല്ലാവരും നോക്കി കാണുന്നത്. അതുകൊണ്ടുതന്നെ പരമ്പര ജയിക്കുക എന്നുള്ള ലക്ഷ്യത്തോടെയാണ് ഇന്ത്യ ഇന്ന് ഇറങ്ങുന്നത്. കഴിഞ്ഞ മത്സരത്തിൽ നിന്ന് ടീമിൽ കാര്യമായ മാറ്റം വരുത്താതെയാണ് ഇന്ത്യ ഇന്ന് ഇറങ്ങുന്നത്.

ഓസ്ട്രേലിയക്കായി ഇന്ന് ഡേവിഡ് വാർണർ കളിക്കുന്നുണ്ട്. ആദ്യ ഏകദിനത്തിൽ ഇന്ത്യ-ഓസ്ട്രേലിയയെ പരാജയപ്പെടുത്തിയെങ്കിലും കഴിഞ്ഞ മത്സരത്തിൽ ഓസ്ട്രേലിയ ശക്തമായി തിരിച്ചു വന്നിരുന്നു. 10 വിക്കറ്റിനാണ് കഴിഞ്ഞ മത്സരത്തിൽ ഓസ്ട്രേലിയ ഇന്ത്യയെ പരാജയപ്പെടുത്തിയത്. ഏകദിന ലോകകപ്പിൽ ഇന്ത്യയും ഓസ്ട്രേലിയയും നേരത്തെ കയറിയിരുന്നു. ഇന്ത്യയിൽ വച്ചാണ് ലോകകപ്പ് നടക്കുന്നത് എന്നതിനാൽ ഇരുടീമുകളും ഈ മത്സരം വളരെ നിർണായകമാണ്.

ഇന്ത്യയ്ക്കെതിരെ ഓസ്ട്രേലിയ ടോസ് നേടി ബാറ്റിംഗ് തിരഞ്ഞെടുത്തു. മത്സരത്തിൽ ശക്തമായ നിലയിലേക്ക് പോകുകയായിരുന്ന ഓസ്ട്രേലിയയെ ഇന്ത്യൻ സ്പിന്നർമാരുടെയും ഓൾറൗണ്ടറായ ഹാർദിക് പാണ്ഡ്യയുടെയും മികവിൽ തളച്ചിടാൻ ആയി. ആദ്യത്തെ 10 ഓവറിനു ശേഷം മികച്ച രീതിയിലാണ് ഇന്ത്യൻ ബോളർമാർ പന്തെറിഞ്ഞത്.

മത്സരത്തിൽ മറ്റൊരു കൗതുക കാഴ്ച കൂടി അരങ്ങേറി. മത്സരം നടക്കുന്നതിനിടെ ഗ്രൗണ്ടിൽ ഒരു പട്ടി എത്തി. അപ്രതീക്ഷിതമായി ആയിരുന്നു പട്ടിയുടെ റോയൽ എൻട്രി. പട്ടിയുടെ വരവ് കണ്ട് ചിരി അടക്കാൻ ആകാതെ താരങ്ങൾ ഗ്രൗണ്ടിൽ നിന്നു. അപ്രതീക്ഷിതമായി ഗ്രൗണ്ടിൽ എത്തിയ പട്ടിയുടെയും ചിരി അടക്കാൻ കഴിയാത്ത താരങ്ങളുടെയും വീഡിയോ ദൃശ്യം കാണാം.

ലോക ടെസ്റ്റ്‌ ചാമ്പ്യൻഷിപ് ഫൈനലിലേക്ക് നേരിട്ട് മുന്നേറാൻ ഇന്ത്യക്ക് ഇപ്പോൾ നടന്ന് കൊണ്ടിരിക്കുന്ന മത്സരത്തിൽ തോൽവി ഒഴിവാക്കുക എന്നത് അനിവാര്യമാണ്. അല്ലാത്ത പക്ഷം ശ്രീ ലങ്ക ന്യൂസിലാൻഡ് പരമ്പരയിലെ ഫലം അനുസരിച്ചിരിക്കും ഇന്ത്യയുടെ ഫൈനൽ പ്രതീക്ഷകൾ. ഈ ഒരു കാരണം കൊണ്ട് തന്നെ വളരെ സൂക്ഷ്മതയോടെയാണ് ഇന്ത്യ ബോർഡർ ഗവസ്‌കർ ട്രോഫിയിലെ നാലാമത്തെ ടെസ്റ്റ്‌ മത്സരം കളിക്കുന്നത്.

ടോസ് നേടിയ ഓസ്ട്രേലിയ ബാറ്റിംഗ് തിരഞ്ഞെടുത്തു. ഓസ്ട്രേലിയക്ക്‌ വേണ്ടി ഖവാജ നേടിയ കൂറ്റൻ സെഞ്ച്വറിയും തന്റെ ആദ്യത്തെ സെഞ്ച്വറി നേടിയ ഗ്രീനും കൂടി ചേർന്ന് 480 റൺസിലേക്കെത്തിച്ചു. ഇന്ത്യക്ക് വേണ്ടി അശ്വിൻ ആറു വിക്കറ്റുകൾ സ്വന്തമാക്കി.ഇന്ത്യയും അതെ നാണയത്തിൽ തിരിച്ചടിച്ചു.ഓരോ ബാറ്റർമാറും സാഹചര്യത്തിന് ഒത്തു ഉയർന്നു.

ഖവാജയുടെ സെഞ്ച്വറിക്ക്‌ ഗിൽ ടെസ്റ്റ്‌ ക്രിക്കറ്റിൽ ഇന്ത്യയിൽ തന്റെ ആദ്യത്തെ സെഞ്ച്വറിയോടെ മറുപടി കൊടുത്തു. രോഹിത്തും പൂജാരയും സാഹചര്യം മനസിലാക്കി ബാറ്റ് വീശി. എന്നാൽ ഒരു വേള ബാറ്റിംഗ് തകർച്ച നേരിടുമെന്ന് കരുതിയപ്പോൾ കോഹ്ലിയും ജഡേജയും കൂട്ടുകെട്ട് ഉയർത്തി. എന്നാൽ വളരെ മികച്ച രീതിയിൽ ബാറ്റ് ചെയ്ത ശേഷം ഇപ്പോൾ ജഡേജ തന്റെ വിക്കറ്റ് വലിച്ചു എറിഞ്ഞിരിക്കുകയാണ്. മർഫിയുടെ ഓവറിൽ രണ്ട് തവണ കൂറ്റൻ ഷോട്ടിന് ശ്രമിച്ചപ്പോൾ ജഡേജക്ക്‌ പിഴച്ചു. എന്നാൽ വീണ്ടും ഒരു തവണ കൂടി കൂറ്റൻ ഷോട്ട് അടിക്കാൻ നോക്കിയ ജഡേജ ഖവാജയുടെ കയ്യിൽ വിശ്രമിച്ചു. വിക്കറ്റ് വിഡിയോ കാണാം ;

ബോർഡർ-ഗവാസ്ക്കർ ട്രോഫിയിലെ മൂന്നാം ടെസ്റ്റിൽ ആദ്യ ദിവസത്തെ കളി അവസാനിക്കുമ്പോൾ ഓസ്ട്രേലിയക്ക് മേൽക്കൈ, ആദ്യ ഇന്നിങ്സിൽ ഓസ്ട്രേലിയൻ സ്പിൻ ത്രയത്തിന് മുന്നിൽ പിടിച്ച് നിൽക്കാൻ പറ്റാതെ ഇന്ത്യ വെറും 109 റൺസിന് ഓൾ ഔട്ട്‌ ആയപ്പോൾ, മറുപടി ബാറ്റിങ്ങിന് ഇറങ്ങിയ ഓസീസ് ആദ്യ ദിനത്തെ കളി അവസാനിക്കുമ്പോൾ 156/4 എന്ന നിലയിൽ ആണ്, 6 വിക്കറ്റുകൾ ശേഷിക്കെ 47 റൺസിന്റെ ഒന്നാം ഇന്നിംഗ്സ് ലീഡ് ആയി ഓസ്ട്രേലിയക്ക്.

രണ്ട് മാറ്റങ്ങളുമായാണ് ഇരു ടീമുകളും കളത്തിൽ ഇറങ്ങിയത്, ഫോമിലല്ലാത്ത കെ.എൽ രാഹുലിന് പകരം ശുഭ്മാൻ ഗില്ലും, മുഹമ്മദ്‌ ഷമിക്ക് പകരം ഉമേഷ്‌ യാദവും ഇന്ത്യൻ നിരയിൽ ഇടം നേടി, നാട്ടിലേക്ക് മടങ്ങിയ ഓസ്ട്രേലിയൻ ക്യാപ്റ്റൻ പാറ്റ് കമ്മിൻസിന് പകരം മിച്ചൽ സ്റ്റാർക്കും ഡേവിഡ് വാർണർക്ക് പകരം കാമറൂൺ ഗ്രീനും ഓസീസ് നിരയിൽ ഇടം നേടി, കമ്മിൻസിന്റെ അഭാവത്തിൽ സ്റ്റീവ് സ്മിത്ത് ആണ് ഓസ്ട്രേലിയയെ നയിക്കുന്നത്.

സ്പിൻ ബോളർമാരെ നന്നായി സഹായിക്കുന്ന പിച്ചിൽ ഇന്ത്യൻ ബാറ്റർമാർ റൺസ് കണ്ടെത്താൻ നന്നേ ബുദ്ധിമുട്ടി, ഇന്ത്യൻ ബാറ്റർമാരെ നിലയുറപ്പിക്കും മുമ്പ് ഓസ്ട്രേലിയൻ സ്പിൻ ബോളർമാർ മടക്കി അയച്ചപ്പോൾ ഇന്ത്യൻ സ്കോർ വെറും 109 റൺസിൽ ഒതുങ്ങി, മറുപടി ബാറ്റിങ്ങിന് ഇറങ്ങിയ ഓസ്ട്രേലിയയെ അർധ സെഞ്ച്വറിയുമായി ഉസ്മാൻ ക്വജ (60) മുന്നിൽ നിന്ന് നയിച്ചു, ഇന്ത്യൻ നിരയിൽ 4 വിക്കറ്റുകൾ വീഴ്ത്തിക്കൊണ്ട് രവീന്ദ്ര ജഡേജയാണ് മികച്ച് നിന്നത്, എന്നാൽ മത്സരത്തിനിടെ 2 റിവ്യൂ പാഴാക്കിയതിന് ക്യാപ്റ്റൻ രോഹിത് ശർമയുടെ കൈയിൽ നിന്ന് കണക്കിന് ശകാരം കേൾക്കേണ്ടി വന്നു ജഡേജയ്ക്ക്, ലെഗ് സൈഡിൽ പിച്ച് ചെയ്ത ബോളിൽ പോലും ജഡേജയുടെ നിർബന്ധത്തിന് വഴങ്ങിയാണ് രോഹിത് ശർമ DRS എടുത്തത്, എന്നാൽ ഈ 2 റിവ്യൂകളും പാഴായതാണ് ക്യാപ്റ്റനെ ചൊടിപ്പിച്ചത്.

വീഡിയോ :

ബോർഡർ ഗവസ്‌കർ ട്രോഫിയിലെ രണ്ടാം മത്സരം ആവേശകരമായ രീതിയിൽ ഡൽഹിയിൽ പുരോഗമിക്കുകയാണ്. ആദ്യ മത്സരത്തിൽ വമ്പൻ പരാജയം ഓസ്ട്രേലിയ നേരിട്ടിരുന്നു.ഇന്നിങ്സിനും 132 റൺസിനുമായിരുന്നു കാങ്കരൂകളുടെ തോൽവി. ഇന്ന് ഓസ്ട്രേലിയ ടോസ് ലഭിച്ച ശേഷം ബാറ്റിംഗ് തിരഞ്ഞെടുത്തു. രണ്ട് മാറ്റങ്ങളോടെയാണ് ഓസ്ട്രേലിയ ഇറങ്ങിയത്. ഇന്ത്യയും ഒരു മാറ്റം വരുത്തിയിരുന്നു.

പരിക്ക് മാറി തിരിച്ചെത്തിയ ശ്രെയസ് അയ്യർക്ക്‌ മുന്നിൽ സൂര്യകുമാർ യാദവ് വഴി മാറി. ഓസ്ട്രേലിയ റെൻഷാക്ക്‌ പകരം ട്രാവിസ് ഹെഡിനെ ഉൾപ്പെടുത്തി. കൂടാതെ മാത്യു കുന്ഹെമാന് ബോളണ്ടിന് പകരം അരങ്ങേറ്റം നൽകി. ഇന്ത്യൻ താരം ചേതെശ്വർ പൂജാരയുടെ 100 മത്തെ ടെസ്റ്റാണ് ഇന്നത്തേത്. അത് കൊണ്ട് തന്നെ താരത്തെ മത്സരത്തിന് മുമ്പ് ആദരിക്കുന്ന ചടങ്ങുമുണ്ടായിരുന്നു. എന്നാൽ ഇത് ഒന്നുമല്ല ഇപ്പോൾ മത്സരത്തിലെ ചർച്ചവിഷയം. പിന്നെ എന്താണെന്ന് നമുക്ക് പരിശോധിക്കാം.

ഓസ്ട്രേലിയ ഇന്നിങ്സിന്റെ മൂന്നാമത്തെ ഓവർ. ഷമിയാണ് ഇന്ത്യക്ക് വേണ്ടി ബൗൾ ചെയ്യുന്നത്. കവാജയാണ് ഓസ്ട്രേലിയ ബാറ്റർ. ഷമി ഓഫ്‌ സ്റ്റമ്പിന് പുറത്ത് ഒരു പന്ത് എറിയാൻ ഉദ്ദേശിക്കുന്നു. എന്നാൽ തന്റെ കയ്യിൽ നിന്ന് തെറിച്ച പന്ത് ചെന്ന് വീണത് വൈഡ് ലൈൻ അപ്പുറമാണ്.പക്ഷെ അമ്പയർ നോ ബോൾ വിധിക്കുന്നു.ഷമി ഒരിക്കലും ആ പന്ത് വാർണറുടെ അരക്ക് മീതെയല്ല എറിഞ്ഞത് പന്ത് എറിഞ്ഞപ്പോൾ ക്രീസിന് പുറത്തും കടന്നിട്ടില്ല. എന്നിട്ടും അത് എങ്ങനെ നോ ബോൾ വിധിച്ചത് എങ്ങനെയെന്ന് നമുക്ക് പരിശോധിക്കാം.

15 തരത്തിലുള്ള നോ ബോളുകളാണ് ക്രിക്കറ്റിലുള്ളത്. അതിൽ ഏറ്റവും പൊതുവായ രണ്ട് നോ ബോളുകളാണ് നേരത്തെ മുകളിൽ പറഞ്ഞത്.എന്നാൽ ഷമിയുടെ ഡെലിവറി നോ ബോൾ വിളിക്കാൻ കാരണം പ്ലെയിങ് ഏരിയക്ക്‌ പുറത്ത് കുത്തിയെന്ന് പറഞ്ഞു കൊണ്ടാണ്. വൈഡ് ലൈൻ സമാന്തരമായി വരുന്ന വരക്ക് അപ്പുറം കുത്തുന്ന പന്താണെങ്കിൽ അമ്പയർക്ക്‌ നോ ബോൾ വിളിക്കാം. ഷമിയുടെ ഈ ഡെലിവറി ഇങ്ങനെ പുറത്താണ് കുത്തിയതെന്ന് കാണാം.ഈ ഒരു കാരണം കൊണ്ടാണ് അമ്പയർ ഈ ഡെലിവറി നോ ബോൾ വിധിച്ചതും.

വീഡിയോ :