Author: admin

വുമൺസ് പ്രീമിയർ ലീഗിൽ അഞ്ച് വിക്കറ്റ് നേട്ടം സ്വന്തമാക്കുന്ന ആദ്യ ഇന്ത്യക്കാരിയായി മലയാളി താരം ശോഭന ആശ. യു പി വാരിയോർസിനെതിരെ ബാംഗ്ലൂരിൽ നടന്ന മത്സരത്തിലാണ് RCB താരമായ ശോഭന അഞ്ച് വിക്കറ്റുകൾ നേടി ടീമിന് ആവേശകരമായ വിജയം സമ്മാനിച്ചത്. തിരുവനന്തപുരം സ്വദേശിയാണ് ലെഗ് സ്പിന്നറായ ശോഭന. 2 റൺസിനായിരുന്നു മത്സരത്തിൽ RCB വിജയിച്ചത്.

മത്സരത്തിൽ ആദ്യം ബാറ്റ് ചെയ്ത ബാംഗ്ലൂർ നിശ്ചിത ഓവറിൽ 6 വിക്കറ്റ് നഷ്ടത്തിൽ 157 റൺസായിരുന്നു നേടിയത്. റിച്ച ഘോഷിന്റെ വെടിക്കെട്ട് അർദ്ധസെഞ്ച്വറിയുടെ മികവിലാണ് RCB ഭേദപ്പെട്ട സ്കോർ നേടിയത്. മറുപടി ബാറ്റിംഗിനിറങ്ങിയ യു പി, ഗ്രേസ് ഹാരിസിന്റെ തകർപ്പൻ ബാറ്റിംഗിലൂടെ മികച്ച പൊസിഷനിൽ എത്തി. 17ആം ഓവർ എറിയാൻ ശോഭന എത്തുമ്പോൾ 24 പന്തിൽ വെറും 32 റൺസ് മാത്രം മതിയായിരുന്നു യു പിയ്ക്ക് വിജയിക്കാൻ. ക്രീസിൽ സെറ്റ് ബാറ്റർസ് ആയ ശ്വേത സെഹ്‌റാവത്തും ഗ്രേസ് ഹാരിസും.

എന്നാൽ ആദ്യ പന്തിൽ തന്നെ ക്യാപ്റ്റൻ സ്മൃതി മന്ദനയുടെ തകർപ്പൻ ക്യാച്ചിലൂടെ ശ്വേതയെ ആശ മടക്കി. രണ്ടു പന്തിന് ശേഷം അപകടകാരിയായ ഗ്രേസ് ഹാരിസിനെയും ആശ ക്ലീൻ ബൗൾഡാക്കി. ഒടുവിൽ ഓവറിലെ അവസാന പന്തിൽ കിരൺ നവ്ഗിരെയും പുറത്താക്കിയ ആശ വുമൺസ് പ്രീമിയർ ലീഗിൽ അഞ്ച് വിക്കറ്റുകൾ നേടിയ ആദ്യത്തെ ഇന്ത്യൻ താരമായി മാറുകയായിരുന്നു. ശോഭന ആശ ചരിത്രം കുറിച്ച ആ മൊമെന്റ് ചുവടെ കാണാം.

The historic moment when Sobhana Asha became the first Indian to take a fifer in the WPL. 🫡pic.twitter.com/YxQznDAdEo

— Mufaddal Vohra (@mufaddal_vohra) February 24, 2024

ഇന്ത്യയിലെ ഏറ്റവും വലിയ ക്രിക്കറ്റ്‌ മാമാങ്കമായ t20 ലീഗിന് കഴിഞ്ഞ ദിവസമാണ് തുടക്കംകുറിച്ചത്. ഇന്ത്യൻ പ്രീമിയർ ലീഗിന് മുന്നോടിയായി നടക്കാറുള്ള വുമൺസ് പ്രീമിയർ ലീഗിലൂടെ തന്നെയാണ് ഇക്കുറിയും ക്രിക്കറ്റ്‌ മഹോത്സവം കൊടിയേറിയത്. ഡിഫെൻഡിംഗ് ചാമ്പ്യന്മാരായ മുംബൈ ഇന്ത്യൻസും ഡൽഹി ക്യാപിറ്റൽസും തമ്മിലായിരുന്നു ആദ്യത്തെ മത്സരം. ഷാരുഖ് ഖാൻ ഉൾപ്പെടെയുള്ള ബോളിവുഡ് സൂപ്പർ താരങ്ങളുടെ സാനിധ്യത്തിലായിരുന്നു ടൂർണമെന്റ് ആരംഭിച്ചത്.

ഇന്ത്യൻ t20 ലീഗുകളുടെ ചരിത്രമെടുത്താൽ ഏറ്റവുമധികം ഫാൻ ബേസുള്ളടീമുകളിൽ ഒന്നാണ് റോയൽ ചലഞ്ചേർസ് ബാംഗ്ലൂർ. ‘ദി മോസ്റ്റ്‌ ലോയൽ ഫാൻ ബേസ്’ എന്നാണ് വിരാട് കോലി പോലും RCB ആരാധകരെ വിശേഷിപ്പിച്ചിട്ടുള്ളത്. ഇപ്പോഴിതാ അത് ശരിവക്കുന്ന തരത്തിലുള്ള ഒരു വീഡിയോ ആണ് സോഷ്യൽ മീഡിയയിലൂടെ വൈറൽ ആയിരിക്കുന്നത്.

2024-ലെ വുമൺസ് പ്രീമിയർ ലീഗിലെ രണ്ടാമത്തെ മത്സരത്തിൽ ടോസ് ഇടാനായി റോയൽ ചലഞ്ചേർസ് ടീമിന്റെ ക്യാപ്റ്റൻ സ്മൃതി മന്ദന എത്തിയപ്പോഴായിരുന്നു സംഭവം. RCB-യുടെ ഹോം ഗ്രൗണ്ട് കൂടിയായ ബാംഗ്ലൂരിലെ ചിന്നസ്വാമി സ്റ്റേഡിയത്തിലായിരുന്നു മത്സരം. ടോസ് പ്രെസെന്ററായ അഞ്ചും ചോപ്ര സ്മൃതിയുടെ പേര് അനൗൺസ് ചെയ്തതും ബാംഗ്ലൂർ സ്റ്റേഡിയം ഇളകിമറിഞ്ഞു. സ്‌മൃതിയ്ക്ക് സംസാരിക്കാൻ പോലും സാധിക്കാത്ത തരത്തിലായിരുന്നു കാണികളുടെ ആർപ്പുവിളി. തങ്ങളുടെ ഫാൻസ്‌ നൽകുന്ന സപ്പോർട്ട് കണ്ടപ്പോൾ സ്‌മൃതിയുടെ കണ്ണുകൾഅറിയാതെ നിറഞ്ഞതും വീഡിയോയിൽ വ്യക്തമായി കാണാം.
വീഡിയോ ചുവടെ ചേർക്കുന്നു..

She is literally controlling her tearspic.twitter.com/UAjRiXz1dU

— Shivani (@meme_ki_diwani) February 24, 2024

ഇന്നും ഇന്ത്യൻ ക്രിക്കറ്റിന്റെ എക്കാലത്തെയും മികച്ച ക്യാപ്റ്റനാണ് ധോണി. മൂന്നു ഐ സി സി ട്രോഫി നേടിയ ഒരേ ഒരു ക്യാപ്റ്റനാണ് ധോണി. മാത്രമല്ല ഇന്ത്യൻ ക്രിക്കറ്റ്‌ ടീമിൽ ഏറ്റവും കൂടുതൽ ആരാധകരുള്ള താരമാണ് ധോണി. തന്റെ 42 ആം ജന്മദിനമാണ് ധോണി ആഘോഷിച്ചത്. പതിവ് പോലെ തന്നെ ധോണിയുടെ പിറന്നാൾ ആരാധകർ ഏറ്റെടുത്തിരിക്കുകയാണ്.

ഇത്തരത്തിൽ ആരാധകർ ഏറ്റെടുത്ത സംഭവമാണ് ഇപ്പോൾ പുറത്ത് വന്നിരിക്കുന്നത്. എന്താണ് സംഭവം എന്ന് നമുക്ക് പരിശോധിക്കാം.മുൻ ഇന്ത്യൻ നായകൻ ധോണിയുടെ വീടിന് മുന്നിൽ ഒരു കൂട്ടം ആരാധകരാണ് തടിച്ചു കൂടിയത്.ഈ ആരാധകരെ കണ്ടില്ലെന്ന് നടിക്കാൻ സാക്ഷാൽ ധോണിക്ക് കഴിഞ്ഞില്ല.ഹാപ്പി ബർത്ത്ഡേ തല എന്ന ആശംസകൾ നേർന്നു കൊണ്ടാണ് ആരാധകർ ധോണിയുടെ വീട്ടിലേക്ക് എത്തിയത്.

pic.twitter.com/189koWFtph

— Xtremedesportes (@xtremedesporte) July 7, 2023

ആരാധകരുടെ ഈ സ്നേഹം കണ്ടില്ലെന്ന് നടിക്കാൻ ധോണിക്കും കഴിഞ്ഞില്ല. ധോണി താൻ താമസിക്കുന്ന റെസിഡൻസിന്റെ മുകളിലേക്ക് കേറി.ആരാധകരെ അഭിവാദ്യം ചെയ്യുകയുണ്ടായി.ഇന്ത്യൻ പ്രീമിയർ ലീഗിൽ ധോണി കളിക്കുന്നെ ഇടമെല്ലാം മഞ്ഞ കടലാക്കിയ ആരാധകർ ധോണിയുടെ ഈ പ്രവർത്തിയും ആഘോഷമാക്കുകയാണ്. ധോണിയുടെ ഈ പ്രവർത്തി ക്രിക്കറ്റ്‌ ആരാധകർക്ക് ഇടയിൽ ധോണിയുടെ പ്രശസ്തി വീണ്ടും വർദ്ധിച്ചുയിരിക്കുകയാണ്.

ക്രിക്കറ്റ്‌ പിച്ചുകളിലേക്ക് ആരാധകർ മത്സരത്തിന് ഇടയിൽ ഗ്രൗണ്ടിലേക്ക് അതിക്രമിച്ചു കേറുന്നത് ഇപ്പോൾ സ്ഥിരമായ കാഴ്ചയാണ്. ഇംഗ്ലണ്ടിലെ മത്സരങ്ങളിൽ ഇത്തരത്തിൽ അതിക്രമിച്ചു കേറി പ്രശസ്തി നേടിയ ഒരു വ്യക്തിയാണ് ജാർവോ. ഇപ്പോൾ നടന്ന് കൊണ്ടിരിക്കുന്ന ആഷേസ് ടെസ്റ്റ്‌ മത്സരത്തിലും ഇത്തരത്തിൽ ഒരു സംഭവം ഉണ്ടായത്.

ആഷേസ് ടെസ്റ്റിൽ രണ്ടാമത്തെ മത്സരത്തിൽ ഇംഗ്ലണ്ട് ഫീൽഡ് ചെയ്യുകയാണ്.എന്നാൽ ഈ തവണ ആരാധകർ അല്ല ഗ്രൗണ്ടിലേക്ക് അതിക്രമിച്ചു കേറിയത്.ഒരു കൂട്ടം പ്രതിഷേധകാരാണ് ഈ തവണ ഇംഗ്ലണ്ടിലെ ലോർഡ്സിലേക്ക് കടന്ന് വന്നത്.ഫോസിൽ ഫ്യൂവൽ കത്തിക്കുന്നതിന് എതിരെയുള്ള സമരകാരാണ് ഇവർ.ഈ പ്രതിഷേധകാർ ഗ്രൗണ്ടിന് ഇടയിലേക്ക് ഓടിയെത്തി.

എന്നാൽ ഇംഗ്ലീഷ് താരം ജോണി ബെയർസ്റ്റൊ ഇത്തരത്തിൽ ഗ്രൗണ്ടിലേക്ക് അതിക്രമിച്ചു കേറിയ മനുഷ്യരെ തിരകെ ഗ്രൗണ്ടിന് പുറത്തേക്ക് അയച്ചത്. അതും തന്റെ പുറത്ത് കേറ്റികൊണ്ട്. ആഷേസ് ടെസ്റ്റ്‌ പരമ്പരയിലെ ആദ്യത്തെ മത്സരത്തിൽ ഓസ്ട്രേലിയ വിജയിച്ചു.ഇപ്പോൾ നടന്ന് കൊണ്ടിരിക്കുന്ന ആഷേസ് ടെസ്റ്റ്‌ മത്സരത്തിൽ ടോസ് നേടിയ ഇംഗ്ലണ്ട് ബൗളിംഗ് തിരഞ്ഞെടുത്തു.

pic.twitter.com/PKqvnooHnN

— Xtremedesportes (@xtremedesporte) June 28, 2023

ഒരു ടെസ്റ്റ്‌ പ്ലെയിങ് നേഷനെ ഒരു അസോസിയറ്റ് ടീം ഏകദിന മത്സരത്തിൽ തോല്പിക്കുമ്പോൾ അത് ചരിത്രമാണ്. എന്നാൽ ഇത്തരത്തിൽ ഒരു അസോസിയേറ്റ് ടീം 350 ന്ന് മുകളിൽ റൺസ് പിന്തുടരുക. അതിന് ശേഷം ആ മത്സരം ജയിക്കുക. വെസ്റ്റ് ഇൻഡീസ് നേതർലാൻഡ്സ് മത്സരത്തിലും സംഭവിച്ചത് ഇത് തന്നെയാണ്.

നേരത്തെ പൂരന്റെ സെഞ്ച്വറി മികവിലാണ് വെസ്റ്റ് ഇൻഡീസ് 374 റൺസ് സ്വന്തമാക്കിയത്.നിടമാനൂരുവിന്റെ സെഞ്ച്വറിയും സ്കോട്ട് എഡ്വവാർഡ്സിന്റെ ഫിഫ്റ്റിയും വാൻ ബീക്കിന്റെ അവസാന ഓവറുകളിലെ വെടിക്കെട്ടുമാണ് മത്സരം ടൈയിലേക്ക് എത്തിച്ചത്. സൂപ്പർ ഓവറിൽ 30 റൺസാണ് ഡച്ച് താരം ഡി ബീക് അടിച്ചു കൂട്ടിയത്

.ജെയസൺ ഹോൾഡറാണ് വിൻഡിസിന് വേണ്ടി പന്ത് എറിഞ്ഞത്.ആദ്യത്തെ ബോൾ വാൻ ഡി ബീക് ഫോർ സ്വന്തമാക്കി.രണ്ടാമത്തെ പന്ത് സിക്സ്. വീണ്ടും ഫോർ, നാലാമത്തെയും അഞ്ചാമത്തെയും പന്തിൽ സിക്സ്.അവസാന പന്തിൽ വീണ്ടും ഫോർ.മാത്രമല്ല ഏകദിന ക്രിക്കറ്റിലെ ഒരു സൂപ്പർ ഓവറിൽ ഏറ്റവും കൂടുതൽ റൺസ് നേടുന്ന ബാറ്റർ ഡച്ച് താരം വാൻ ബീക്കായി മാറി. ഹോൾഡറിനെതിരെ 30 റൺസാണ് അദ്ദേഹം സ്വന്തമാക്കിയത്. സൂപ്പർ ഓവറിൽ നേതർലാന്ഡ്സ് വിജയം സ്വന്തമാക്കി

pic.twitter.com/SEicr3YqAh

— Xtremedesportes (@xtremedesporte) June 26, 2023